6月份每月一聚

事隔6個月，休才薈Gatherly終於有機會同休才生見面喇😭😭 休才生傾起近況時都滔滔不絕，亦係遊戲中了解多左大家係疫情期間既經歷同體會😌😌 最後我地仲一齊開班會，休才生們都表達左好多唔同嘅意見，希望可以讓佢地好好咁係透過休才薈發揮佢地嘅技能☺️☺️我地3個同各位休才生都會繼續努力，將休才生嘅技能帶落社區🥰

​日期：2020年6月27日

地點：仁愛堂青年夢工場

12月份每月一聚

黎到12月，我地同休才生一齊舉行左一個簡簡單單但又玩得好開心嘅聖誕聯歡會。最開心就係抽獎環節，大家買嘅禮物層出不窮，抽獎之後大家都滿載而歸。除左抽獎同大食會環節，我地亦都邀請左咁多位休才生同我地影畢業相作為留念。

​日期：2019年12月29日

地點：仁愛堂青年夢工場

11月份每月一聚

休才生嘅11月每月一聚係早前舉行。今次我地趁住天氣涼涼地🌞去左青山襌寺行個圈。當日亦邀請左休才生Andy做導賞講解，休才生都表示對青山襌有更深入嘅了解💃💃平時都唔知道青山襌寺有咁多歷史同故事💭💭

​日期：2019年12月1日

地點：屯門青山襌寺

10月份每月一聚

休才薈Gatherly早前舉行左第二次嘅每月一聚。今次好高興可以邀請到夢工場嘅團隊桐仁巷黎到我地嘅每月一聚教授休才生點樣對付下肢痛症💆🏻‍♀️💆🏻‍♂️見到咁多休才生都好專心咁同導師學習就知道大家都獲益良多😆😆好期待下次同休才生嘅聚會🤤

​日期：2019年10月27日

地點：仁愛堂青年夢工場

9月份每月一聚

琴日休才薈係仁愛堂社區中心舉行左第一次每月一聚，希望令各位退休人士更了解休才薈，並且加入我地成為休才生。當中亦有唔同嘅遊戲，令休才生之間都可以互相認識。大家都玩得好開心唔捨得走呀! 

​日期：2019年9月29日

地點：新墟仁愛堂體育中心